पाल्पा सिमेन्ट इन्डष्ट्रिज पायो आइपीओ अनुमति, ७५ करोडको सेयर बिक्री गर्ने

काठमाडौं । पाल्पा सिमेन्ट इन्डष्ट्रिजले आइपीओ जारी गर्ने अनुमति पाएको छ ।

कम्पनीलाई नेपाल धितोपत्र बोर्ड (सेबोन)ले सेयर निष्कासनको अनुमति दिएको हो । पाल्पा सिमेन्टले २०८१ वैशाख २३ मा आइपीओ अनुमतिको माग गर्दै आवेदन दिएको थियो । कम्पनीले अंकित मूल्य १०० रुपैयाँ दरमा चुक्ता पुँजीको २० प्रतिशतले हुन आउने ७५ करोड रुपैयाँको ७५ लाख कित्ता सेयर निष्कासन गर्न लागेको छ ।

कम्पनीको सेयर निष्कासन तथा बिक्री प्रबन्धक नबिल इन्भेष्टमेन्ट बैंकिङ छ । पाल्पा सिमेन्ट इन्डष्ट्रिजमा आरएमसी ग्रुपको लगानी छ । कम्पनीले ओपीसी र पीपीसी सिमेन्ट उत्पादन गरिरहेको छ ।