बुङ्गल हाइड्रोको आईपीओ पहिलो दिन नै मागभन्दा ४.२३ गुणा बढी आवेदन

बुङ्गल हाइड्रो लिमिटेडले हिजो अर्थात भदौ १६ गतेदेखि निष्काशन तथा बिक्री खुला गरेको आईपीओ पहिलो दिन नै मागभन्दा बढी आवेदन (ओभर सब्स्क्राइब) परेको छ ।

कम्पनीले सर्वसाधारण लगानीकर्ताहरुका लागि १७ करोड १ लाख ५० हजार रुपैयाँबराबरको प्रतिकित्ता १०० रुपैयाँ अंकित मूल्यका १७ लाख १ हजार ५०० कित्ता साधारण सेयर निष्काशनमा गरेको थियो । सिडिएस एण्ड क्लिरिङ्गका अनुसार हिजो ५ बजेसम्ममा कम्पनीको आईपीओमा ६ लाख ३६ हजार ४८७ आवेदन मार्फत ७२ करोड ८ लाख ३६ हजार रुपैयाँबराबरको ७२ लाख ८ हजार ३६० कित्ता सेयर माग भएको छ । निष्काशित कित्ताका तुलनामा माग भएको कित्ता ४.२३ गुणा बढी हो । अर्थात कम्पनीको आईपीओ पहिलो दिन नै ४ गुणाभन्दा बढीले ओभर सब्स्क्राइब भइसकेको छ ।

कम्पनीको आईपीओमा न्यूनतम १० कित्ताका लागि आवेदन दिनुपर्नेछ भने अधिकतममा २० हजार कित्ताका लागि आवेदन दिन सकिनेछ। निष्काशन बन्द छिटोमा भदौ १९ गते हुनेछ भने ढिलोमा भदौ ३० गते हुनेछ ।

कम्पनीको शेयर निष्काशन तथा बिक्री प्रबन्धक हिमालयन क्यापिटल छ । सर्वसाधारण लगानीकर्ताहरुले सि आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयहरुबाट सि आस्बा प्रणाली मार्फत आवेदन दिन सक्नेछन्। यसका साथै मेरो सेयर अनलाइन प्रयोग गरी सि आस्बा प्रणाली मार्फत पनि आवेदन दिन सक्नेछन् ।

।