सन नेपाल लाइफको २०.२६ प्रतिशत प्रतिफल, नगद र बोनस कति ?

काठमाडौं । सन नेपाल लाइफ इन्स्योरेन्सले २०.२६ प्रतिशत लाभांश घोषणा गरेको छ ।

सञ्चालक समितिले बैठकले आर्थिक वर्ष २०८१/८२ सम्मको वितरणयोग्य नाफाबाट चुक्ता पुँजीको ५ प्रतिशत बोनस सेयर र करसहित १५.२६ प्रतिशत नगद लाभांश घोषणा गरेको हो ।

इन्स्योरेन्सको अहिले ५ अर्ब ३ करोड १२ लाख रुपैयाँ चुक्ता पुँजी छ । इन्स्योरेन्सको साधारण सभा र प्राधिकरणको स्वीकृतिपछि सेयरधनीले प्रतिफल पाउनेछन् ।