एसवाई प्यानलको आईपीओ बाँडफाँट, ६ जना भाग्यमानीले पाए ११ कित्ता

काठमाडौं । एसवाई प्यानल नेपालको आईपीओ बाँडफाँट भएको छ । कम्पनीले गत कात्तिक १९ गतेदेखि २३ गतेसम्म निष्काशन तथा बिक्री गरेको आईपीओ बाँडफाँट गरेको हो ।

मागभन्दा बढी आवेदन परेका कारण गोलाप्रथा प्रक्रियामार्फत कम्पनीको आईपीओ बाँडफाँट गरिएको छ । जस अनुसार ४ लाख ७ हजार ६१५ आवेदकले १० कित्ताका दरले कम्पनीको सेयर प्राप्त गरेका छन् । यसरी बाँडफाँट गर्दा बाँकी रहेको ६ कित्ता सेयर सोही लगानीकर्ताहरुमा बाँडफाँट गरिएको छ। जसअनुसार ६ जना लगानीकर्ताले कम्पनीको थप १ कित्ता अर्थात कुल ११ कित्ता सेयर प्राप्त गरेका छन् ।

कम्पनीले प्रतिसेयर १०० रुपैयाँ अंकित मूल्यका ४० करोड ७६ लाख १५ हजार ६०० रुपैयाँबराबरको ४० लाख ७६ हजार १५६ कित्ता सेयर निष्काशन गरेको थियो । सो सेयरमा कुल २१ लाख ८९ हजार ७७३ जनाले २ करोड ५३ लाख ८१ हजार २० कित्ता सेयरका लागि आवेदन गरेको थियो । सोमध्ये २० लाख ८७ हजार ३२० आवेदन स्वीकृत भएको छ भने बाँकी आवेदन रद्द भएका छन् ।