मधेशको मुख्यमन्त्रीमा एमालेका सरोज यादव नियुक्त, ठूलो दलको हैसियतमा दिइएको दावी

काठमाडौं । मधेश प्रदेश प्रमुख सुमित्रा सुवेदी भण्डारीले नेकपा एमाले संसदीय दलका नेता सरोजकुमार यादवलाई मुख्यमन्त्री नियुक्त गरेकी छन् ।

मुख्यमन्त्री जितेन्द्र सोनलले पदबाट राजीनामा दिएकाले संविधानको धारा १६८ को उपधारा ३ बमोजिम प्रदेश सभाको सबैभन्दा ठूलो दलको नाताले एमाले नेता यादव मुख्यमन्त्री नियुक्त गरिएको हो ।

प्रदेश प्रमुख भण्डारीले जनकपुरबाहिर कार्यक्रम गरेर यादवलाई मुख्यमन्त्री नियुक्त गरेकी हुन् । प्रदेश प्रमुख भण्डारी अस्वस्थ भएको भन्दै आज बिहानै जनकपुरबाट काठमाडौं प्रस्थान गरेकी थिइन् ।