सिन्धु विकास बैंकको ७ लाख कित्ता सेयर सर्वसाधारणलाई बिक्रीमा

काठमाडौं । सिन्धु विकास बैंकले आफ्ना केही संस्थापक सेयरधनीहरूको नाममा रहेको ७ लाख १५ हजार ६३५ कित्ता संस्थापक सेयर बिक्रीमा राखेको छ ।

बैंकले यसअघि नेपाल राष्ट्र बैंकको निर्देशन अनुसार उक्त सेयर बैंककै विद्यमान संस्थापक सेयरधनीहरूका लागि बिक्री खुला गरेकोमा तोकिएको अवधिभित्र आवेदन नपरेपछि सर्वसाधारणले किन्न पाउने गरी पुनः बिक्रीमा राखेको हो ।

अतः उक्त सेयर किन्न इच्छुक सर्वसाधारण लगानीकर्ता, कम्पनी, संघसंस्थाले आगामी ३५ दिनभित्र आवश्यक कागजात सहित आफूले किन्न चाहेको सेयर कित्ता खुलाएर बनेपास्थित बैंकको कर्पाेरेट कार्यालयमा निवेदन दिनु पर्नेछ ।