अर्थ मन्त्रालयअन्तर्गत भुक्तानी प्रणाली सञ्चालनमा, जान थाल्यो सरकारी कर्मचारीको तलवभत्ता

काठमाडौं। अर्थ मन्त्रालयअन्तर्गत सबै भुक्तानी प्रणाली सुरु भएको छ । महालेखा परीक्षकको कार्यालयले आइतबार अपराह्नबाट सबै भुक्तानी प्रणाली सञ्चालनमा आएको जनाएको छ । अर्थ मन्त्रालय मातहतका सबै काम नियमित हुन थालेका छन् ।

भुक्तानी प्रणाली नियमित भएसँगै सबै प्रकारका खर्च गर्न मातहतका निकायलाई सहज भएको छ। अब कर्मचारीको तलबदेखि अन्य खर्च गर्न अप्ठ्यारो हुने छैन ।

सरकारी कार्यालयले नियमित सेवासँगै मर्मत सम्भार, पुनर्निर्माण लगायतमा खर्च गर्नुपर्ने देखिएको छ । जेनजीको आन्दोलनका क्रममा सिंहदरबार परिसरमा रहेको अर्थ मन्त्रालयमा आंशिक क्षति पुर्‍याइएको छ । नेपालगन्ज र भैरहवाजस्ता ठूला भन्सार कार्यालयले ठूलो क्षति बेहोरेका छन् ।

आन्तरिक राजस्व विभाग अन्तर्गत विभिन्न स्थानमा रहेका करदाता कार्यालय र करदाता सेवा कार्यालयमा पनि नोक्सान पुर्‍याइएको छ । भवनमा क्षति पुगेका कार्यालयले परिसरबाट सेवा दिन थालेका छन् ।