सुन तोलामा १ हजार ४ सयले घट्यो, चाँदी पनि सस्तियो

काठमाडौं । नेपाली बजारमा आज सुनचाँदीको  मूल्य  घटेको छ । नेपाल सुनचाँदी व्यवसायी महासङ्घका अनुसार सोमबार सुनको मुल्य तोलाको १ हजार ४ सयले घटेर २ लाख ८२ हजार ४ सयमा कारोबार भइरहेको छ । यसअघि आइतबार सुन तोलाको २ लाख ८३ हजार ८ सयमा कारोबार भएको थियो ।

यस्तै, आज चाँदीको  मूल्य पनि घटेको छ । महासङ्घका अनुसार आज चाँदी तोलाको १५ रुपैयाँले घटेर ४ हजार ३१० मा कारोबार भइरहेको छ । यसअघि आइतबार चाँदी तोलाको ४ हजार ३२५ मा कारोबार भएको थियो ।