ठमेलबाट १५ बंगलादेशी नागरिक पक्राउ, भिसा उद्देश्य विपरीत गतिविधि गरेको आरोप

काठमाडौं । ठमेलबाट १५ बंगलादेशी नागरिक पक्राउ परेका छन् ।

काठमाडौं उपत्यका अपराध अनुसन्धान कार्यालयको टोलीले भिजिट भिसामा नेपाल आई भिसा उद्देश्य विपरीतका गतिविधि गरेको आरोपमा उनीहरुलाई पक्राउ गरेको हो । 

उनीहरुलाई ठमेलको होटल एसीईको चौथो, पाँचौं र छैटौ तलाबाट पक्राउ गरिएको प्रहरीले जनाएको छ । उनीहरुले बंगलादेशी नागरिकहरुले होटलका विभिन्न कोठाहरु भाडामा लिएर विदेशी मोडल तथा युवतीहरुको फेक फेसबुक अकाउन्ट बनाइ कुराकानी गर्दै अवैध गतिविधि गरेको पाइएपछि प्रहरीले पक्राउ गरेको बताइएको छ । पक्राउ परेकाहरुलाई अध्यागमन विभाग कालिकास्थानमा बुझाइएको छ ।