स्मार्ट फिचरसहित याडियाका तीन नयाँ इलेक्ट्रिक स्कुटर सार्वजनिक हुँदै

काठमाडौं । विद्युतीय दुईपांग्रे सवारी साधन ब्राण्ड ‘याडिया’ को नेपालका लागि आधिकारिक विक्रेता कुजु नेपाल प्रालिले नेपाली बजारमा नयाँ विद्युतीय स्कुटर सिरिज सार्वजनिक गर्न लागेको छ । कम्पनीले याडियाका तीन नयाँ मोडलहरू जीएस७०, जीटी७० र जीटी८० नेपाली बजारमा ल्याउन लागेको हो ।

आधुनिक प्रयोगकर्ताको आवश्यकतालाई ध्यानमा राखेर डिजाइन गरिएका यी स्कुटरहरूमा अत्याधुनिक प्रविधि, उन्नत सुरक्षा प्रणाली, स्मार्ट कनेक्टिभिटी र उत्कृष्ट रेन्ज (यात्रा दूरी) समावेश गरिएको कम्पनीले जनाएको छ।

यी नयाँ मोडलहरूले नेपालमा स्मार्ट, दिगो र भरपर्दो विद्युतीय यातायातलाई प्रवर्द्धन गर्ने लक्ष्य राखेको कुजु नेपालका नेपालले जनाएको छ । दैनिक सहरी आवातजावत गर्नेदेखि लामो दूरीको यात्रा गर्ने र उच्च प्रदर्शन खोज्ने ग्राहकहरूका लागि यी स्कुटरहरू उपयुक्त हुने दाबी गरिएको छ।

यी तीनै मोडलको विस्तृत प्राविधिक विशेषता, बजार मूल्य, उपलब्धता र विशेष लन्च अफरहरू आगामी ६ अगस्ट २०२६ मा आयोजना हुने औपचारिक लन्च कार्यक्रममार्फत सार्वजनिक गरिने कम्पनीले बताएको छ । वातावरणमैत्री र किफायती यातायातको साधन खोजिरहेका नेपाली ग्राहकहरूका लागि याडियाका यी नयाँ सिरिजहरू एक उत्कृष्ट विकल्प बन्ने विश्वास लिइएको छ ।