एनआइबिएल सहभागिता फण्डको इकाईहरु डिम्याट खातामा जम्मा

काठमाडौं । एनआईबिएल म्युचुअल फण्ड अन्तर्गत सञ्चालित एनआईबिएल सहभागिता फण्ड (खुलामुखी योजना) का इकाईधनीहरूको इकाई हितग्राही (डिम्याट) खातामा जम्मा भएको छ ।

कोष प्रवद्र्धक नेपाल इन्भेष्टमेण्ट मेगा बैंक तथा योजना व्यवस्थापक एनआइएमबि एस क्यापिटल रहेको उक्त फण्डको इकाई लामो समयदेखि लगानीकर्ताको खातामा जम्मा हुन सकेको थिएन । ‘बिज पूँजी’ सम्बन्धी व्यवस्थाका कारण फण्डको इकाई वृद्धि रोकिंदा यस्तो अवस्था सिर्जना भएको कम्पनीले बताएको छ ।

नेपाल धितोपत्र बोर्डले गत माघ २ गते जारी गरेको निर्देशिकापछि फण्डको संरचनामा परिवर्तन गरिएको हो । सोहीअनुसार चैत ५ गतेदेखि लागू हुने गरी फण्डको योजना आकार बढाएर १० अर्ब रुपैयाँ (१ अर्ब इकाई) कायम गर्न स्वीकृति दिइएको थियो । यसअघि फण्डको आकार ६ अर्ब रुपैयाँ (६० करोड इकाई) रहेको थियो ।

योजनाको आकार विस्तार भएसँगै अब पुनस् इकाईधनीहरूको इकाईहरू डिम्याट खातामा जम्मा गरिएको फण्ड व्यवस्थापनले जनाएको छ । साथै लगानीकर्ताले आफ्नो अद्यावधिक इकाई विवरण डिम्याट खाता वा ‘मेरो  सेयर’ मार्फत सहजै हेर्न सक्ने व्यवस्था गरिएको पनि कम्पनीले जानकारी दिएको छ । साथै, डिम्याट खातामा इकाई जम्मा गर्न ढिलाइ भएकोमा कम्पनीले क्षमायाचना गर्दै लगानीकर्ताको धैर्यता र समर्थनप्रति धन्यवाद व्यक्त गरेको छ ।