साढे ५ लाख टन रासायनिक मल आयात गर्न करिब २९ अर्ब बजेट विनियोजन

काठमाडौं । सरकारले चालु आर्थिक वर्षमा आयात गर्ने पाँच लाख ५० हजार मेट्रिक टन रासायनिक मल आयात गर्न २८ अर्ब ८२ करोड रुपैयाँ बराबरको बजेट विनियोजन गरेको छ । हालसम्म चार लाख ६५ हजार मेट्रिक टन रासायनिक मल आयातका लागि बोलपत्र भइसकेको कृषि तथा पशुपन्छी विकास मन्त्रालयले स्पष्ट पारेको छ ।

मन्त्रालयले उपलब्ध गराएको विवरण अनुसार मंसिर महिनाको दोस्रो सातासम्म दुई लाख ६६ हजार ५१० मेट्रिक टन रासायनिक मल आपूर्तिको क्रममा छ । त्यसमा कृषि सामग्री कम्पनीले एक लाख ८० हजार ४९१ मेट्रिक टन र साल्ट टे«डिङ कर्पोरशेनले ८६ हजार १६ मेट्रिक टन रासायनिक मल आयात गरिरहेको छ ।

विवरणअनुसार कृषि सामग्री कम्पनीले ८८ हजार २१३ मेट्रिक टन युरिया, ९२ हजार २७८ मेट्रिक टन डीएपी मल आयात गरिरहेको छ । साल्ट ट्रेडिङ कर्पोरेशनले २४ हजार ४९८ मेट्रिक टन युरिया, ५३ हजार ७९५ मेट्रिक टन डीएपी र सात हजार ७२५ मेट्रिकटन पोटास आयातको क्रममा रहेको छ । अहिलेसम्म ८६ हजार ३३३ मेट्रिक टन रासायनिक मल गोदाममा मौज्दात छ । मौज्दातमा रहेको मध्ये कृषि सामग्री कम्पनीमा ५७ हजार ८१८ मेट्रिकटन र साल्ट टेडिङ कर्पोरेशनमा २८ हजार ५१४ मेट्रिक टन छ ।

त्यस्तै, आयातको क्रममा बाह्य मुलुकका विभिन्न मार्गमा एक लाख २० हजार ५९७ मेटिकटन रहेको छ । खेतीपातीका लागि सहज रुपमा रासायनिक मल उपलब्ध गराउन सबै प्रकारका उपाय अबलम्बन गरिएको मन्त्रालयले स्पष्ट पारेको छ ।