श्री इन्भेष्टमेन्ट एण्ड फाइनान्स कम्पनीको ६.४ प्रतिशत नगद लाभांश

काठमाडौं। श्री इन्भेष्टमेन्ट एण्ड फाइनान्स कम्पनीले लाभांश घोषणा गरेको छ। संचालक समितिको मंगलबार बसेको बैठकले सेयरधनीलाई ६.४ प्रतिशत लाभांश वितरणको निर्णय गरेको हो ।

आर्थिक वर्ष २०८१/८२ को मुनाफाबाट कम्पनीले ६ करोड ४० लाख रुपैयाँ बराबरको नगद लाभांश दिने भएको छ ।

कम्पनीले नगद लाभांश (करसहित) घोषणा गरेको हो। कम्पनीको आगामी साधारण सभा र नेपाल राष्ट्र बैंकको स्वीकृतिपछि सेयरधनीले पाउनेछन् ।