केही संस्थानमा सञ्चालकको राईंदाईं हुँदा कसैलाई भत्ता मात्रै, तारा गाउँमा भत्ताभन्दा अरु सुविधा धेरै

काठमाडौं । कतिपय सार्वजनिक संस्थानमा सञ्चालकहरु मालामाल हुने गरेको पाइएको छ । राज्यकोषबाट लगानी भएका नियामक निकाय, प्रतिष्ठान, बोर्ड, समिति तथा सार्वजनिक संस्थान लगायत निकायका पदाधिकारी र कर्मचारीको पारिश्रमिक तथा सेवा सुविधामा एकरुपता कायम गर्ने सम्वन्धी सुझाव कार्यदलको प्रतिबेदनले सञ्चालकहरुको सेवा सुविधामा निकै नै भिन्नता रहेको पहिल्याएको हो । 

कार्यदलले ६० वटा संस्थाको अध्ययन गर्दा धेरै संस्थाहरुको कर्मचारी र सञ्चालकहरुलाई दिइने सेवा सुविधामा निकै ठूलो अन्तर रहेको उल्ले गरेको छ । ६० संस्थामध्ये सञ्चालकहरुलाई कम भत्ता दिएर तारा गाउँ विकास समितिले अन्य सुविधाहरु बढी दिएको कार्यदलको प्रतिवेदनमा उल्लेख छ । संस्थाहरुले वैठक भत्ताका अतिरिक्त मासिक रुपमा टेलिफोन, पत्रपत्रिका, इन्धन, इन्टरनेट, परिवहन भत्ता, अतिथि सत्कार, खाजा खर्चलगायतका सुविधा दिने गरेको पाइएको छ ।

बिबरणअनुसार वित्तीय क्षेत्रको नियामक निकाय नेपाल राष्ट्र बैंकले सञ्चालकहरुलाई प्रति वैठक भत्ता उपलब्ध गराउने गरेको छ । त्यसबाहेक अन्य सुविधा नदिइएको कार्यदलको प्रतिवेदनमा उल्लेख छ ।