संस्थागत आर्थिक अपराधविरुद्ध आइक्यान र सीआइबीबीच सहकार्य गर्ने समझदारी
.jpg)
नक्कली लेखापरीक्षकविरुद्ध कारवाही गर्नु, संस्थागत वित्तीय ठगी, आर्थिक तथा वित्तीय अपराधसँग सम्बन्धित विषयमा जनचेतना अभिवृद्धिका लागि समन्वय गर्नु समझदारीको उद्देश्य भएको आइक्यानले जनाएको छ ।
काठमाडौं । नेपाल चार्टर्ड एकाउन्टेन्ट्स संस्था (आइक्यान) र नेपाल प्रहरीको केन्द्रीय अनुसन्धान ब्युरो (सीआइबी)ले संस्थागत आर्थिक अपराधविरुद्ध सहकार्य गर्ने भएका छन् । यसका लागि आइक्यान र सीआइबीले समझदारी पत्रमा हस्ताक्षर गरेका छन् ।
समझदारीपत्रमा मंगलबार आइक्यानका अध्यक्ष सीए निलबहादुर सारु मगर र सीआइबी प्रमुख प्रहरी अतिरिक्त महानिरीक्षक डा. मनोजकुमार केसीले हस्ताक्षर गरे ।
समझदारीको उद्देश्य संस्थागत आर्थिक अपराध अनुसन्धान गर्नका लागि ज्ञान तथा दक्षता अभिवृद्धि गर्नु तथा आइक्यान र सीआइबीबीच लेखापरीक्षणसँग सम्बन्धित विषयमा सूचना आदानप्रदान गर्नु हो ।
नक्कली लेखापरीक्षकविरुद्ध कारवाही गर्नु, संस्थागत वित्तीय ठगी, आर्थिक तथा वित्तीय अपराधसँग सम्बन्धित विषयमा जनचेतना अभिवृद्धिका लागि समन्वय गर्नु पनि समझदारीको उद्देश्य भएको आइक्यानले जारी गरेको प्रेस विज्ञप्तिमा उल्लेख छ।
सम्बन्धित खबर
