पोखराको फिर्केखोला आसपासमा साना ठुला गरी २३ वटा संरचना हटाइयो

पोखरा । पोखराको फिर्केखोलाको खोला घर खाली गर्ने अभियान अन्तर्गत अहिलेसम्म चार दिनमा साना ठुला गरी २३ वटा संरचनाहरू हटाइएको छ । 

पोखरा महानगरपालिका वडा नम्बर १८ र २ को सिमाना क्षेत्रमा ८ वटा संरचनाहरू हटाइएको छ भने, वडा नम्बर ४ र ५ को क्षेत्रमा १ वटा पक्की र ३ वटा कच्ची संरचनाहरू भत्काइएको छ । 

त्यस्तै वडा नम्बर ७ र ८ मा ५ वटा कम्पाउन्ड वाल र ६ वटा स्थायी संरचना हटाइएको छ । यसरी चौँथो दिनसम्म आइपुग्दा १०५ वटा संरचनाहरू खोला घरबाट हटाइएको महानगरले जनाएको छ । 

खोला घर खाली गर्ने कार्यमा ३ वटा जेसिवी र २ वटा एक्स्काभेटर प्रयोग भइरहेको र नेपाल पहरी, सशस्त्र प्रहरी, महानगरीय प्रहरी बल र प्राविधिक कर्मचारीहरू समेत खटिएको महानगरले जानकारी दिएको छ ।  

फिर्केखोलाको खोला घर खाली गरिसकेपछि त्यसलाई एक आकर्षक पर्यटन गन्तव्यका रूपमा विकास गरिने जानकारी दिदै महानगरले साइकल ट्र्याक, फुटपाथ, हरियाली प्रवर्द्धन र लाईटिङ् सहितको सुरक्षित पर्यटनका रूपमा फिर्केको विकास गरिने बताएको छ ।