सीईओ पाण्डे पक्राउ प्रकरणमा सर्वोच्चको कारण देखाउ आदेश

काडमाडौं । सर्वोच्च अदालतले नेपाल इन्भेष्टमेन्ट मेगा बैंकका प्रमुख कार्यकारी अधिकृत (सीईओ) ज्योति प्रकाश पाण्डेको पक्राउमा कारण देखाउ आदेश जारी गरेको छ । न्यायाधीश अब्दुल अजीज मुसलमानको एकल इजलासले पाण्डेकी श्रीमती निरु दाहालले दायर गरेको बन्दी प्रत्यक्षीकरण रिटमाथि प्रारम्भिक सुनुवाइ गर्दै उक्त आदेश जारी गरेको हो । अदालतले अन्तरिम आदेशका विषयमा छलफलका लागि दुवै पक्षलाई समेत बोलाएको छ ।पाण्डेलाई नेपाल प्रहरीको केन्द्रीय अनुसन्धान ब्यूरोले ‘ठगी तथा आपराधिक विश्वासघात’ को कसुरमा आइतबार राति सिन्धुलीबाट पक्राउ गरेको थियो । निवेदक दाहालले भने पाण्डेको पक्राउ गैरकानुनी भएको दाबी गर्दै तत्काल रिहाइको माग गरेकी छन् । सर्वोच्चले अब दुवै पक्षको सुनुवाइपछि यस विषयमा थप आदेश दिने जनाएको छ ।