तोकेभन्दा बढी लगानी गर्नेलाई ‘लगानी भिसा’ दिइने, भ्रष्टाचारविरुद्ध शून्य सहनशीलता नीति

काठमाडौं । सरकारले तोकिएकोभन्दा बढी लगानी गर्ने लगानीकर्ताका लागि ‘लगानी भिसा’ उपलब्ध गराउने भएको छ ।

आगामी आर्थिक वर्षको नीति तथा कार्यक्रम घोषणा गर्दै सरकारले तोकेभन्दा माथिको लगानी गर्ने लगानीकर्तालाई नेपाल लगानी भिसा उपलब्ध गराउने भएको हो ।

सरकारले सुशासनलाई समृद्ध नेपालको आधारशिलाका रूपमा ग्रहण गर्दै भ्रष्टाचारविरुद्ध शून्य सहनशीलता, सार्वजनिक सेवा प्रवाहमा सुधार, आर्थिक पुनरुत्थान र सामाजिक उन्नतिलाई अभियानका रूपमा अघि बढाउने घोषणा गरेको छ ।