प्रतिनिधिसभाको नयाँ नियमावली बनाउन मस्यौदा समिति गठन, सभापतिमा गणेश पराजुली

काठमाडौं । प्रतिनिधिसभाको नयाँ नियमावली बनाउन १५ सदस्यीय मस्यौदा समिति गठन गरिएको छ । 

सोमबार प्रतिनिधि सभाको बैठकमा राष्ट्रिय स्वतन्त्र पार्टीका सांसद कविन्द्र बुर्लाकोटीले प्रस्तुत गरेको प्रस्तावबमोजिम रास्वपाका सांसद गणेश पराजुलीको सभापतित्वमा सबै दलका सदस्यहरू सम्मिलत समिति बनाइएको हो । सो समिति बनाउने प्रस्ताव सर्वसम्मतिले स्वीकृत भएको छ ।

समितिमा सांसदहरु ओजश्वी शेरचन, ऐनबहादुर महर, खगेन्द्र सुनार, खुश्बु ओली, गजाला समिम मिकरानी, तपेश्वर यादव, ध्रुवराज राई, निशा डाँगी, निष्कल राई, बलावती शर्मा, मधु चौलागाइँ, यज्ञमणि न्यौपाने, रेखाकुमारी यादल र डा. सुलभ खरेल छन् ।

समितिले सभामुखको सामान्य निर्देशनमा रही आफ्नो कार्यविधि आफैं तय गर्नेछ भने समितिलाई कार्यप्रारम्भ भएको मितिले १४ दिन कार्यअवधि दिइएको छ । 

नयाँ नियमावली निर्माण नहुञ्जेल हाल २०७९ को निवयमालीअन्तर्गत प्रतिनिधि सभा सञ्चालन गरिएको छ ।