१०५ अंकले घट्दै नेप्से २६७६ बिन्दुमा, १२ अर्ब ३८ करोडको कारोबार

काठमाडौं । सेयर बजारमा उच्च अंकको गिरावट आएको छ । साताको कारोबारको पहिलो दिन आइतबार सेयर बजार परिसूचक नेपाल स्टक एक्सचेञ्ज (नेप्से) १०५.५० अंक अर्थात् ३.७९ प्रतिशतले घटेर २६७६.६८ बिन्दुमा खुम्चिएको छ । आज नेप्से घटे पनि कारोबार रकम भने बढेको छ । आइतबार नेप्सेमा कुल १२ अर्ब ३८ करोड माथिको कारोबार भएको छ । गत साताको बिहीबार भने नेप्सेमा कुल ८ अर्ब ६९ करोड रुपैयाँ बराबरको कारोबार भएको थियो ।

आज ६ कम्पनीका लगानीकर्ताले सर्वाधिक कमाएका छन् । आइतबार रिलायन्स स्पिनिङ मिल्स, भुजुङ हाइड्रोपावर, रिजलाइन इनर्जी , होटल फरेस्ट इन , सुपर खुदी हाइड्रोपावर र सुर्यकुण्ड हाइड्रो इलेक्ट्रिकको सेयर मूल्यमा भने सकारात्मक सर्किट लागको छ । त्यस्तै, आइतबार नारायणी विकास बैंक, हिमालयन रि–इन्स्योरेन्स कम्पनी, भूगोल इनर्जी डेभलपमेन्ट कम्पनी, गार्डिय माइक्रो लाइफ, सप्तकोशी विकास बैंक, पियोर इनर्जी र सान्भी इनर्जीको सेयर मूल्यमा नकारात्मक सर्किट लागेको छ । यी कम्पनीको सेयरमूल्य आज १० प्रतिशतले घटेको छ । कारोबार पनि हिमालयन रि–इन्स्योरेन्स कम्पनीकै सर्वाधिक भएको छ । यस कम्पनीको आज ५८ करोड रुपैयाँ बराबरको सेयर किनबेच भएको छ । आजको कारोबारमा ७ कम्पनीको शेयरमूल्य बढ्दा २६१ वटाको घटेको छ ।