निर्वाचन परिणाम अनपेक्षित, अस्वाभाविक, अपत्यारिलो र जादुमय छ : ओली

काठमाडौं ।  नेकपा एमालेका अध्यक्ष केपी शर्मा ओलीले २१ फागुनको निर्वाचन अनपेक्षित, अस्वाभाविक, अपत्यारिलो र जादुमय भएको टिप्पणी गरेका छन् ।

एमालेका नवनिर्वाचित सांसदलाई सम्बोधन गर्दै उनले यस्तो दाबी गरेका हुन् ।

‘अहिले नै धेरै टिप्पणी गर्ने बेला भएको छैन । तर यो निर्वाचन अनपेक्षित, अस्वाभाविक अपत्यारिलो र जादुमय छ । यसमा एउटा हाम्रा विरोधीले अथवा हाम्रा उद्देश्यका विरोधीले सुखी नेपाल, समृद्धि नरुचाउनेले, शान्तिपूर्ण, न्यायपूर्ण समाज स्थपना नचाहनेले देशमा घृणाको राजनीति गरे,’ ओलीले भने, ‘राजनीतिलाई घृणाद्वारा स्थापित गर्ने खेतीमा लागे । यसमा धेरैतिरको सहयोग उनीहरूलाई भयो । हामीले राम्रो काम गरेको हुनाले सम्पूर्ण प्रहार केन्द्रित भयो ।’