ज्ञानेन्द्र शाहीको चुनावी खर्च २० लाख ५५ हजार

काठमाडौं । जुम्लाबाट प्रतिनिधिसभामा निर्वाचित राप्रपाका प्रवक्ता ज्ञानेन्द्र शाहीले आफ्नो चुनावी खर्च विवरण सार्वजनिक गरेका छन् ।

शाहीले चुनावमा २० लाख ५५ हजार रुपैयाँ खर्च भएको विवरण आयोगमा बुझाएका हुन् । उनले सवारी साधन र इन्धनमा सबैभन्दा बढी ५ लाख ९० हजार खर्च भएको उल्लेख गरेका छन् भने पालिका स्तरीय भेटघाट र आमसभामा ३ लाख ५० हजार, स्पिकर, मिडिया र स्टेसनरीमा ३ लाख, पालिका स्तरीय घरदैलोमा २ लाख ८० हजार, जिल्ला स्तरीय आमसभा २ लाख २५ हजार, ब्यानर र नमुना मतपत्रमा २ लाख २० हजार, युवा परिचालनमा ८० हजार र मनोनयन दर्तामा १० हजार खर्च भएको विवरण पेश गरेका छन् ।