सुन ३८०० ले बढ्दा चाँदीमा ३१० को वृद्धि

फागुन २६ गते, मंगलबार नेपाली बजारमा सुन र चाँदी दुवैको मूल्य बढेको छ । आज सुन प्रतितोला ३ हजार ८०० रुपैयाँले र चाँदी तोलामा ३१० रुपैयाँले बढेकाे हो ।

नेपाल सुनचाँदी व्यवसायी संघका अनुसार आज छापावाल सुन प्रतितोला ३ लाख १७ हजार रुपैयाँमा कारोबार भइरहेको छ । सोमबारको बजारमा सुन प्रतितोला ३ लाख १३ हजार २०० रुपैयाँमा कारोबार भएको थियो ।

त्यस्तै आज चाँदीको मूल्य पनि बढेको छ । आजको बजारमा चाँदी प्रतितोला ३१० रुपैयाँले बढेर प्रतितोला ५ हजार ७२० रुपैयाँमा कारोबार भइरहेको छ । सोमबारको बजारमा चाँदी तोलाको ५ हजार ४१० रुपैयाँमा कारोबार भएको थियो ।