जबरजस्ती करणी आरोपमा २० वर्षीय युवक पक्राउ

इलाम । इलाममा १५ वर्षीया बालिकामाथि जबरजस्ती करणी गरेको आरोपमा एक युवक पक्राउ परेका छन् ।

माङसेबुङ गाउँपालिका–३ का २० वर्षीय सिलाश लिम्बुलाई प्रहरीले नियन्त्रणमा लिएको हो। बालिकामाथि जबरजस्ती करणी भएको भन्ने उजुरी परेपछि प्रहरी चौकी बाँझोबाट खटिएको टोलीले उनलाई पक्राउ गरेको जनाएको छ ।

घटनाबारे प्रहरीले थप अनुसन्धान अघि बढाएको जनाएको छ ।