नेक्सजेन म्यानेजमेन्टले आईपीओ निष्कासन गर्ने, बिक्री प्रबन्धकमा लक्ष्मी सनराइज क्यापिटल

काठमाडौं । नेक्सजेन म्यानेजमेन्ट एन्ड इक्विटी सोलुसन्सले साधारण सेयर (आईपीओ) निष्कासन गर्ने भएको छ ।

कम्पनीले प्रतिकित्ता १०० रुपैयाँ अंकित मूल्यका १५ करोड रुपैयाँबराबरका १५ लाख कित्ता आईपीओ निष्कासन गर्न बिक्री प्रबन्धकमा लक्ष्मी सनाइज क्यापिटल लिमिटेडलाई नियुक्त गरेको छ ।

सेयर निष्कासनका लागि नेक्सजेन म्यानेजमेन्टका तर्फबाट प्रबन्ध सञ्चालक रमेशकुमार भट्टराई र सनराइज क्यापिटलका प्रमुख कार्यकारी अधिकृत विजयलाल श्रेष्ठले हस्ताक्षर गरेका हुन् ।

नेक्सजेन म्यानेजमेन्ट हाल अधिकृत पुँजी एक अर्ब तथा जारी पुँजी ५० करोड रुपैयाँ रहेको छ ।