सालपा विकास बैंकले सवा १७ करोडको आइपीओ ल्याउन धितोपत्र बोर्डबाट पायो अनुमति

काठमाडौं । सालपा विकास बैंकले प्रारम्भिक सार्वजनिक प्रस्ताव (आइपीओ) निष्कासन गर्न अनुमति पाएको छ ।

नेपाल धितोपत्र बोर्ड (सेबोन)ले सोमबार सालपालाई चुक्ता पुँजीको ३३ प्रतिशतले हुन आउने १७ करोड २३ लाख ८८ हजार रुपैयाँ बराबरको १७ लाख २३ हजार ८ सय ८० कित्ता सेयर निष्काशन अनुमति दिएको हो ।

बैंकले अंकित मूल्य १०० रुपैयाँमा आइपीओ निष्कासन गर्नेछ । बैंकको हाल चुक्ता पुँजी ५२ करोड २३ लाख रुपैयाँ छ। बैंकको सेयर निष्कासन तथा बिक्री प्रबन्धकमा मुक्तिनाथ क्यापिटल छ ।