चीनतर्फ बनेको पानीको ड्याम फुट्यो, रसुवासहितका जिल्लामा फेरि बाढीको जोखिम

काठमाडौं । छोचेन खोला र पुरेपू त्साङ्पो नदीको संगम छेउमा बनेको ठूलो ताल फुटेको छ । नेपाल प्रहरीले तिब्बततर्फ पानीको ड्याम पुनस् फुटेको जानकारी प्राप्त भएको हुँदा उद्धार तथा राहत कार्यमा खटिएका सबै सुरक्षाकर्मी, उद्धारकर्मी तथा सर्सवाधारणहरूलाई तत्काल रसतर्क रहन र सुरक्षित स्थानतर्फ जान आग्रह गरेको छ ।

चीनको जलस्रोत मन्त्रालयले छोचेन खोला र पुरेपू त्साङ्पो नदीको दोभाननजिकै ठूलो जलाशययुक्त ताल (ब्यारियर लेक) बनेको हिजो जनाएको थियो । बिहीबार बिहानसम्म उक्त तालमा करिब २० लाख घनमिटर पानी जम्मा भएको र तालबाट पानी बाहिरिन थालेको मन्त्रालयलाई उद्धृत गर्दै ग्लोबल टाइम्सले जनाएको छ ।

तिब्बतको हिमालय क्षेत्रबाट उत्पत्ति भएका छोचेन र पुरेपू खोला सीमापारि आपसमा मिसिन्छन् । तर त्यही खोला बग्दै आएपछि नेपालतिर भोटेकोशी नामले चिनिन्छ । भोटेकोशी नै त्रिशूली नदीको मुख्य माथिल्लो शाखा हो ।